VEGVISARPERM

BAKGRUNN FOR PERMEN

Litt om Vegvisarpermen og korleis vi tenkjer den brukt

I denne permen vil du som er i alderen 0 til 18 år, og som oppheld deg i Midsund kommune, finne informasjon om kven som arbeider med ulike typar problemstillingar som vi veit kan vere vanskelege for eit barn eller ungdom å vere ramma av.

Informasjonen i permen er òg relevant for foreldre eller andre vaksne som ønskjer å hjelpe eit barn eller ungdom som viser teikn til mistrivsel.

Permen skal vere kjent av alle einingsleiarar i Midsund kommune og står i papirkopi ved alle einingar. I tillegg ligg den på Midsund kommune si heimeside.

Permen er tenkt brukt som eit fyrste oppslagsverk ut i frå tema som ein trur er relevant for den enkelte, og raskt vise kven som har ansvar for kva og kor ein kan ta kontakt for å få ytterlegare hjelp eller informasjon. Det ligg og elektroniske linkar vidare for ytterlegare informasjon for den som vil orientere seg mest mogleg på førehand.

Om du har informasjon om linkar som du meiner bør vere knytt til permen, ta kontakt med einingsleiar helse som og er den som er ansvarleg for at permen vert oppdatert etter lansering i april 2008. Ta då kontakt med einingsleiar helse

Kvar finn ein meir om avgrensingar av sentrale omgrep

1. Kva er bekymring  

2. Seksuelle overgrep

3. Vanskjøtsel/ omsorgssvikt

4. Rus

5. Vald/ trakassering/ mobbing

6. PPT

7. Barnehabiliteringsenheten Helse Nordmøre og Romsdal

8. Småbarnsteam (0-6 år) Helse Nordmøre og Romsdal.

9. Akuttenheten psykisk helse barn og unge, les her

10. Psykisk helsevern poliklinikk barn og unge

11. BUF-etat

Teieplikt

Teieplikt er ei ordning som avgrensar høva til å offentleggjere visse opplysningar. Dette kan vere opplysningar som omhandlar ein person si fysiske eller psykiske helse og opplysningar som på annan måte høyrer privatlivet til. Det kan òg gjelde informasjon som kan vere til skade for fellesskapet om den blir kjent.

Forvaltningsloven i Noreg pålegg alle offentlege tilsette teieplikt om enkelte opplysningar ein får kjennskap til i arbeidet. Dette gjeld andre sine personlege forhold og forretningshemmelegheiter. Denne teieplikta gjeld òg innleidde firma. Teieplikta gjeld livet ut. Meir om teieplikt finn du i Forvaltningsloven § 13.

Det finst òg andre lover som pålegg teieplikt. Her kan ein nemne Helsepersonelloven Barnehageloven, Opplæringsloven, Barnevernloven, Sosialloven (sjå nærare på www.lovdata.no).

Tilsette i privat sektor har normalt ikkje lovpålagt teieplikt, og kan difor ikkje bli straffa for å bryte teieplikta. Arbeidsgjevar kan som ein del av sin styringsrett pålegge dei tilsette teieplikt om forhold dei blir kjent med i arbeidet. Om ein bryt slik teieplikt, kan det få rettslege følgjer. Brot på teieplikta kan til dømes føre til avskjed.

Tilsette innan helse- og sosialteneste, kommune, fylke og stat har teieplikt.

Opplysningsplikt betyr at ein til dømes har plikt til å fortelje barnevernet om ein i jobben blir kjent med at eit barn blir utsett for alvorleg omsorgsvikt eller mishandling. Dette kan gjelde barnehagar, skular eller liknande institusjonar.

Straffelovens paragraf 139 pålegg den teiepliktige å bryte teieplikta i visse situasjonar. Om ein person sitt liv eller helse er i fare eller ein person er til fare for andre sine liv eller helse har du rett til å bryte teieplikta for å hindre skade.

Teieplikt i høve ulike involverte

Teieplikt kan ha ulike grader ut i frå kva for lov som regulerer tenesta som ser og meldar ei bekymring.

Brosjyren ”Opplysningsplikt til barnevernet og barnevernets adgang til å gi opplysninger”;

http://www.regjeringen.no/upload/kilde/bld/bro/2006/0003/ddd/pdfv/270272-web_opplysn.pdf  

Brosjyren ”Barnevernet til barnets beste, som seier litt om barnevernet, når du bør melde/be om råd og litt om korleis barnevernet arbeider”;

http://www.regjeringen.no/nb/dep/bld/dok/veiledninger_brosjyrer/2001/Barnevernet---til-barnets-beste.html?id=87701

Om nokon vender seg til ”feil” instans har alle offentlege tenester eit ansvar om å rettleie  deg i tråd med Forvaltningsloven § 11, veiledningsplikt.

Helserettsleg myndigheitsalder og informasjonsansvar ovanfor føresette

(Håndbok for skolehelsetjenesten 1. - 10. klasse" av Siren Haugland og Nina Misvær (red.).

Den helserettslege myndigheitsalderen er 16 år. Hovudregelen er at den eller dei som har foreldreansvar, tek avgjerder og gjev samtykke for barn under 16 år, og saman med barnet når barnet er mellom 12 og 16 år (jf. pasientrettighetslova § 4-4).

I alderen mellom 12 og 16 år skal informasjon gjevast til både barnet og den eller dei med foreldreansvar.

Barn over 12 år skal få uttale seg om alle spørsmål som gjeld eiga helse, med auka vekt på kva barnet sjølv ønskjer utifrå alder og modenheit.

Grensa på 16 år gjeld ikkje som myndigheitsalder i alle situasjonar. Den kan fråvikast nedover til 12 år dersom helsepersonell meiner det ligg føre særskilde grunnar til å ikkje involvere foreldra, og oppover til 18 år dersom helsepersonell har informasjon som er vesentleg for å kunne ivareta foreldreansvaret (pasientrettighetslova § 3-4).

Når helsepersonell får slik alvorleg informasjon om eit barn/ungdom, må ein vurdere opp mot lovverket om det kan vere årsakar til å levere informasjon til foreldre, eventuelt barnevernstenesta eller andre etatar.

Klargering av ansvar - kommunen si rolle - i forhold til barn og unge som har det vanskeleg

·        Sjå

·        Forstå

·        Tilby adekvat hjelp for å finne riktig person og teneste som har ansvar for riktige hjelpetiltak.

·        Støtte barnet og ungdommen vidare ut i frå eiga teneste og rammene for denne i lovverk

·        Melde til barnevernet eller annen instans dersom vi har ei BEKYMRING for barnets ve og vel ut i frå gjeldande lovverk og avtale med barnet sjølv / og eller pårørande.

·        Vi skal melde frå BEKYMRING, IKKJE drive etterforsking/ samle bevis. Barnevernet har ansvar for å undersøke og politiet med å konkludere/ bevise.

·        I forhold til førebyggjande psykisk helsearbeid har alle kommunale tenester eit ansvar for å gje adekvat hjelp

Rutiner ved bekymring for barn og unge som har det vanskeleg

Barnevernstenesta i Midsund kommune

For kontakt med barneverntenesta:

Helse- og sosialekspedisjonen ved sjukeheimen/omsorgssenteret           tlf. 71 27 05 70

Barne- og familieenheten i Molde                                                          tlf. 71 11 16 00

E-post:  liv.aasen@molde.kommune.no

Postadresse: Molde kommune, Barneverntenesta, Rådhuset, 6413 Molde

Midsund kommune har inngått avtale med Molde kommune; 

Molde kommune er vertskommune for barneverntenesta i Midsund.

Leiar for barnevernstenesta for Midsund og Molde er Tone Haukebø Silseth, tlf. 71 11 16 00.

Konsekvensen av avtalen er at all sakshandsaming og kontakt med barneverntenesta vil skje med Molde, men med dagar der sakshandsamar vil vere til stades i Midsund. Så langt det er råd vil klientar her i Midsund få ein person å vende seg til i Molde, men det kan variere kven som kjemm frå Molde for å ta seg av sakshandsaminga.

Ein kan sjølv avgjere om ein vil kontakte barneverntenesta ved å ringe helse- og sosialekspedisjonen her i Midsund og evt koma til avtaler her, eller om ein vil kontakte barnevernet i Molde og koma til faste avtaler der. Helse- og sosialekspedisjonen har oversikt over kva dagar barneverntenesta er til stades i Midsund.

Om barneverntenesta

Vi viser til informasjon om barneverntenesta som ligg på heimesidene til Midsund kommune.

Barneverntenesta har ansvaret for arbeid etter Lov om barneverntenester. Føremålet med lova er å sikre at barn og unge som lever under forhold som kan skade deira helse og utvikling får omsorg og hjelp til rett tid og å bidra til at barn og unge får trygge oppvekstvilkår.

Barneverntenesta har ulike tiltak for å sikre barn og unge hjelp og omsorg. Nokre av tiltaka er frivillige hjelpetiltak, som til dømes støttekontakt, besøksheim, familie- og nettverksteam inn i familien eller opphald i institusjon for familien og frivillig plassering i ein mellombels fosterheim. Andre tiltak er tvangstiltak, som til dømes få born til behandling ved institusjon dersom foreldra ikkje syrgjer for dette sjølve, plassering av born utanfor heimen i fosterheim eller institusjon eller andre tiltak.

Ved alle tilfella må barneverntenesta gjennomføre ei undersøking der ein finn ut kva tiltak som er det rette for barnet. I ei slik undersøking innhentar ein opplysningar frå ulike instansar som har kontakt med barnet/familien. I ei slik undersøking kan det koma fram opplysningar som tilseier at andre tiltak er betre eigna til å støtte opp om barnet/familien enn det familien sjølv kanskje har bede om.

Brosjyren ”Opplysningsplikt til barnevernet og barnevernets adgang til å gi opplysninger”;

http://www.regjeringen.no/upload/kilde/bld/bro/2006/0003/ddd/pdfv/270272-web_opplysn.pdf  

Brosjyren ”Barnevernet til barnets beste, som seier litt om barnevernet, når du bør melde/be om råd og litt om korleis barnevernet arbeider”;

http://www.regjeringen.no/nb/dep/bld/dok/veiledninger_brosjyrer/2001/Barnevernet---til-barnets-beste.html?id=87701  

Enkelt flytskjema over saksgangen i barnevernet ser du her

Grunnskulane i Midsund - skulane sitt arbeid med å sjå, forstå og hjelpe barn og unge som har det vanskeleg

Ved skulane er det slik at lærarane og då spesielt kontaktlærar er den som har mest kontakt med barna, og som i størst grad vil vere den som kan få bekymringar rundt barnet si velferd.

Lærar/ kontaktlærar vil i slike høve snakke med barnet. Lærar vil ta kontakt og drøfte dette med kontaktlærar, som kontaktar foreldra. Kontaktlærar kan og diskutere sine bekymringar med rektor og evt helsesyster anonymt i første omgang.

Om bekymringa held seg, og kontaktlærar ikkje kjenner seg trygg på at barnet får den hjelp det har behov for, melder kontaktlærar til rektor som vurderer og evt. skriv bekymringsmelding til barnevernet, kontaktar PPT osv.

Opplæringsloven

Kommunale mobbeplanar

Spesialpedagogisk plan for Midsund

Strategi for læremiljø i skole og lærebedrift – læringsmiljø i grunnopplæringa

Manifest mot mobbing. Tiltaksplan 2006-2008

Barnehagane i Midsund - korleis sjå, forstå og hjelpe barn og unge som har det vanskeleg

Når det gjeld teieplikt og medverknad frå føresette er dette nedfelt i eigne paragrafer i Barnehagelova , og gjeld alle tilsette. Opplysningsplikt til barnevern er også nedfelt der.

Når det gjeld oversyn over ulike prosedyrar i denne perm, fungerer det i barnehagen slik  at alle er ansvarlege for å observere, jfr kommunalt tilsette, men det er pedagogisk

leiar evt. einingsleiar som tek dette vidare utad, jfr. ansvar, til føresette osv.

Til barnevern, politi, ppt osv er det einingsleiar som melder og er ansvarleg. Dette i nært samarbeid med pedagogisk leiar.

Ved mistanke om seksuelle eller fysiske overgrep, vil vi melde direkte til politi som alarmerar lokalt barnevern.

Sjå nærmare informasjon og i Midsund kommune barnehagevedtekter.

Barnehageloven

Mobbing i barnehage – et hefte for deg som arbeider i barnehagen

Opplæringsloven

Kommunale mobbeplanar

Spesialpedagogisk plan for Midsund

Strategi for læremiljø i skole og lærebedrift – læringsmiljø i grunnopplæringa

Manifest mot mobbing. Tiltaksplan 2006-2008

Midsund Fritidsklubb - korleis sjå, forstå og hjelpe barn og unge som har det vanskeleg

Midsund Fritidsklubb vart skipa i august 2001, og hadde dei første åra eit omflakkande liv med aktivitet ein gong i veka på Midsund Kro og sidan Midsund skule fram til hausten 07.

Kommunen gjorde vedtak om investering i klubblokalar ved ungdomshuset Idavoll sentralt i Midsund i desember 2006. Arbeidet starta opp våren 2007, og klubben var klar til innflytting i 6.desember 2007.

Klubben er eit lavterskel tilbod til barn og ungdom i alderen 10-18 år, og har så langt ope kvar torsdag gjennom skuleåret frå kl 1700 til kl 2200. Klassane 5.og 6. kan vere der til kl 1930, og dei eldste til kl 22.00. Klubben gjev tilbod om aktivitetar som danseverkstad med eigne utdanna ungdomsinstruktørar innan hip hop, breakdance, streetdance, showdance etc. Dette er eit gratis breiddetilbod på torsdagar i klubbtida med 4 ulike danseparti etter alder og danseform, og engasjerer rundt 60-80 born og unge ein time kvar veke i skuleåret.

I klubben finn ein og Ungdommens helsestasjon stasjonert 2 torsdagar i månaden. Helsestasjonen gjev gratis informasjon og helsetenester til ungdom, og er bemanna av helsesyster, kommunelege, psykiatrisk sjukepleiar eller jordmor etter oppsett turnus.

Klubben eig eige bandutstyr, og den som vil kan kome for å spele saman i band på vårt utstyr. Bandutstyret er innkjøpt av gåvemiddel gjeve frå lokalt næringsliv til opninga av klubben. Vi har stort trommesett, 2 el-gitarar, 1 bass-gitar, 1 keyboard og 3 songmikrofonar.

Den som ikkje har eige band, kan bli sing-star på Playstation hos oss, eller gitarhero. I tillegg har vi internettcafe med 8 maskinar, høve til å sjå film på storskjerm, spele biljard eller airhockey, eller henge i cafe med eigenprodusert mat frå eige kjøkken eller kioskvarer. I løpet av våren får vi ferdig mekkecontaineren. I den vil det verte høve til å mekke sykkel og mopedar. Denne aktiviteten skjer rett utanfor klubblokalet, og er ein integrert del av klubben.

Klubben har eit totalt besøkstal kvar torsdag med all aktivitet på ca 120 personar. I løpet av 2008 håper vi å kome i gang med aktivitet på laurdag kveld til ungdomar i alderen 13 til 18 år, som eit rusfritt alternativ til privatfestar og bilkøyring.

Helsestasjonen sitt arbeid med å sjå, forstå og hjelpe barn og unge som har det vanskeleg

Tidleg intervensjon

Helsestasjonen har frå mai 2007 arbeidd med prosjektet ”Tidleg intervensjon innan rusførebygging”.

Helsesystrene, jordmor og helsestasjonslege har i samarbeid med barneverntenesta, sosialtenesta og psykiatrisk sjukepleiar/leiar eining helse arbeidd for å utarbeide rutiner for rusførebyggjande tiltak retta mot gravide og småbarnsforeldre.

Gjennom det interkommunale samarbeidet innan rus, KRUS, dreg vi nytte av andre kommunar sitt arbeid innan feltet. Prosjektet avsluttast i løpet av våren 2008, ved at rutineperm er ferdig utarbeidd og blir teke i bruk.

Tverrfagleg team ved Midsund skule.

Oppgåva til teamet er å drøfte problemstillingar, tiltak og oppgåvefordeling i arbeidet kring elevar som har samansette problemstillingar og dermed treng oppfølging frå fleire instansar.

Faste medlemmar er rektor og sosiallærar ved Midsund skule, helsesyster ved skulen, PPT, barneverntenesta, psykiatrisk sjukepleiar og skulelege. Kontaktlærar innkallast  ved behov. Rektor er koordinator for teamet. Saker vert drøfta anonymt eller etter samtykke frå føresette.

Vedlegg: Samtykkeerklæring for samarbeid i tverrfagleg team ved Midsund skule

Ressursgruppa for småbarnsfamiliar og gravide.

Oppgåvene for gruppa er:

Å utveksle erfaringar og kompetanse for å førebyggje og hjelpe småbarnsfamiliar.

Oppgåve- og ansvarsfordeling i enkeltsaker. Saker vert drøfta anonymt eller etter samtykke frå føresette.

Orientering om enkeltsaker.

Ved rusmisbruk eller mistanke om rusmisbruk hos gravide eller småbarnsfamiliar. Jfr. handlingsplanane i ”Rusførebyggjande tiltak retta mot gravide og småbarnsforeldre i Midsund”.

Faste medlemmar av gruppa: Psykiatrisk sjukepleiar/leiar eining helse er koordinator i gruppa, helsesystrene og barneverntenesta.

Andre fagpersonar blir kalla inn etter behov i enkeltsaker. Jordmor, lege og sosialtenesta er med i saker som gjeld gravide rusmisbrukarar.

Jordmor og lege er med i saker som gjeld rusmisbruk i småbarnsfamiliar.

BUP (Barne og ungdomspsykiatrisk avdeling)

BUP har 4 faste samarbeidsmøte pr år med fagpersonane i Midsund. Det blir teke opp generell problematikk og spørsmål om arbeidsmetodar.

BUP gjev informasjon om enkeltsaker. Ein har og høve til å drøfte barn som  ikkje har hjelp frå BUP – anten anonymt eller etter samtykke frå føresette.

Frå Midsund kommune er desse med på samarbeidsmøta med BUP:

Felles generell del av møtet: Psykiatrisk sjukepleiar/leiar eining helse, helsesystrene, kommunelegane og barnevern.

Ved informasjon om/drøfting av enkeltsaker:

Helsesyster og fastlege. Barnevern, PPT, rektor og kontaktlærarar blir innkalla ved behov.

Leiande helsesyster er koordinator for møta. Aktuelle saker skal meldast til ho minst ei veke før møtet.

Foreldre/ føresette

Føresette kontaktast ved bekymring, alt etter tema og alder på barnet/ ungdomen. Føresette vert invitert til å ta kontakt på eit tidleg tidspunkt, om dei har bekymringar rundt borna sine.

Skulane

Gjennomføring av ”Program for skulehelsetenesta”. Samarbeid i enkeltsaker og om systemtiltak. Helsesystrene har faste dagar dei er tilstades ved kvar einskild skule.

Samarbeid gjennom ”Tverrfagleg team ved Midsund skule”.

PPT (pedagogisk-psykologisk teneste)

Samarbeid i enkeltsaker og gjennom ”Tverrfagleg team ved Midsund skule”.

Barnehagane

Samarbeid gjennom besøk i dei ulike barnehagane 1 gong i året etter avtale. Samtale med pedagogane om barn, dette etter samråd med føresette.

Fagleg rettleiing i enkeltsaker og ved gruppetematikk

Samarbeid i ansvarsgruppe og ved behov for hjelp frå 2.linjetenestane

Midsund fritidsklubb.

Ungdomshelsestasjonen held til i kontoret på fritidsklubben to torsdagar pr månad, kl. 20.00-21.30.

Tilbodet er gratis og utan timebestilling.

Ungdomshelsestasjonen er bemanna av helsesyster, psykiatrisk sjukepleiar eller lege.

Sjå meir informasjon på kommunen si heimeside.

Barnevernstenesta

Samarbeid i ”Ressursgruppa for småbarnsfamiliar og gravide”.

Samarbeid i enkeltsaker.

Psykiatrisk sjukepleiar

Samarbeid i ”Ressursgruppa for småbarnsfamiliar og gravide”.

Samarbeid i enkeltsaker.

Logoped

            Henviser barn ved behov etter samråd med føresette.

Tannlege

Tannhelsetenesta kallar inn til faste samarbeidsmøte 1 gong per år. Samarbeid elles ved behov.

Småbarnsteam (0-6 år), akutteam, Helse Nordmøre og Romsdal

            Teamkoordinator Anne Meisal Nerbø, sentralbord 71 12 16 30.

Kommunelegane - korelis sjå, forstå og hjelpe barn og unge som har det vanskeleg

Primært held føresette seg til legen som er fastlege til den bekymringa gjeld.

Bekymringar som dukkar opp gjennom funksjonen som helsestasjonslege eller skulelege, eller tema som kjem opp ved deltaking i tverrfaglege fora vil verte tatt opp med føresette og barnet sin fastlege for vidare oppfølging.

Legane ønskjer at føresette har ein lav terskel for å ta kontakt med helsetenestene, slik at hjelp kan kome i gang tidlegast råd.

Legane er knytt til Helse Nordmøre og Romsdal primært, og vidare oppfølging vil primært bli gjeve frå dei.

I Noreg har ein ordning med Fritt sjukehusval, link til desse finn du her.

Sosialtenesta - korleis sjå, forstå og hjelpe barn og unge som har det vanskeleg

Ei av dei viktigaste oppgåvene sosialtenesta har er å samtale med personar som av ein eller annan grunn har kome opp i ein vanskeleg livssituasjon.

FORMÅL:

Sosialtenesta arbeider etter Lov om sosiale tenester m.v. der formålet er å fremje økonomisk og sosial tryggleik, betre levekår for vanskelegstilte, arbeide for auka likeverd, likestilling og forebygge sosiale problem. Sosialtenesta skal arbeide for at den enkelte får høve til å leve sjølstendig og ha eit aktivt og meiningsfylt tilvære i fellesskap med andre.

TENESTEOMRÅDE:

Økonomisk sosialhjelp til vanskelegstilte

Økonomisk rådgjeving/gjeldsrådgjeving

Rus

- forebygge og bidra til individuelt behandligstilbod for rusavhengige i samarbeid med

  andre instansar.

Boligpolitisk arbeid

- hjelpe til med å skaffe bolig til vanskelegstilte

Støttekontakt

- sosialtenesta behandlar søknader om støttekontakt

Avlasting

- sosialtenesta behandlar søknader om avlasting

Økonomisk sosialhjelp er lovfesta i Lov om sosiale tenester m.v. kap. 5.

Økonomisk sosialhjelp skal sikre hjelp til livsopphald, til dømes pengar til mat, kler, husleie m.m..

Økonomisk sosialhjelp vert innvilga til dei som ikkje kan syte for sitt livsopphald gjennom arbeid eller andre inntekter t.d., trygdeytingar. Økonomisk sosialhjelp kan gjevast både som bidrag og lån.

Det kan stillast vilkår for utbetaling av økonomisk sosialhjelp. Vilkåret skal ha nær samanheng med vedtaket, og ikkje på urimeleg vis avgrense mottakaren sin handle- og valfridom.

Vilkåret må heller ikkje være i strid med andre bestemmelser i sosialtenestelova eller i andre lovverk.

Tiltak for rusmisbrukarar

Dersom nokon treng hjelp til å komme ut av eit rusmiddelmisbruk, kan ein kontakte sosialtenesta i kommunen.

Frivillige tiltak og tvangstiltak i forhold til rusmisbrukarar er lovfesta i Lov om sosiale tenester m.v. kap. 6.

Sosialtenesta kan i første omgang gje hjelp gjennom tiltak i nærmiljøet. Sosialtenesta kan tilby råd og rettleing og hjelpetiltak til rusmisbrukar og til vedk. sine pårørande/familie.

Frivillige behandlingsopplegg kan m.a. omfatte støttekontakt, støtte på arbeidsplassen, kontakt med primærhelsetenesta.

Dersom hjelp utanfor institusjon ikkje er tilstrekkeleg, kan institusjonsbehandling være eit alternativ. Både sosialtenesta og legetenesta kan søkje plass for behandling i institusjon innan rusomsorga.

Behandling i institusjon kan være både frivillig og med tvang. Vedtak om tvang vert gjort av Fylkesnemnda for sosiale saker.

Støttekontakt

Brukarar som har behov for støttekontakt er ulike, derfor må også støttekontaktane være ulike. Tensta er lovfesta i Lov om sosiale tenester m.v. ka. 4.

Støttekontakt er ei teneste etter Lov om sosiale tenester m.v. § 4-2 c jf. § 4-3 som skal gje brukaren hjelp og støtte til ei meiningsfylt fritid og sosialt samvær.

Støttekontakttilbod vert innvilga til born og vaksne som har behov for den type bistand på grunn av sjukdom, funksjonshemming, alder eller sosiale vanskar.

Avlasting

Tenesta er lovfesta i Lov om sosiale tenester m.v. kap. 4.

Avlasting er ei teneste etter Lov om sosiale tenester m.v. § 4-2 b jf. § 4-3 som skal gje nødvendig og regelmessig fritid og ferie til pårørande som har ”særlig tyngende” omsorgsoppgåver.

TVERRFAGELG SAMARBEID I MIDSUND

KRUS ANSVARSGRUPPE

(Stor tverrfagleg gruppe som møtast 2 gonger i året, medio februar og september. Møtast for å oppdatere seg på oppvekstmiljøet i kommunen og velje tverrfaglege, forpliktande førebyggingsstrategiar).  Leiar helse er koordinator og ansvarleg for innkalling av gruppa.

TVERRFAGLEG TEAM VED MIDSUND SKULE

Møtast ved behov. Rektor er koordinator, og ansvarleg for innkalling av gruppa.

RESSURSGRUPPA FOR SMÅBARNSFAMILIAR OG GRAVIDE

Møtast minimum 2 gongar per halvår, og elles ved behov. Psykiatrisk sjukepleiar/ leiar eining helse er koordinator for gruppa og kallar inn til møte.

Samspelreglar for tverrfagleg arbeid i grupper

Midsund kommune har ulike typer av tverrfagleg samarbeid, der generelle problemstillingar og enkeltsaker kan drøftast. Enkeltsaker drøftast anonymt eller ope (med samtykke frå dei det gjeld).

a)      Midsund kommune med alle tenester kan og skal legge til rette for anonyme faglege drøftingar rundt bekymringar i tverrfagleg gruppe som er oppretta og består fast av barnevern, helsesyster, psykiatrisk sjukepleier og lege. Dette for å fremje felles forståing av kva bekymring er, og når ein bør varsle eller sette inn tiltak.

b)      Skal drøftingane skje ut i frå kjent identitet, skal dette vere med samtykke etter  gjeldande lovverk.

c)      Ved behov for fleire tenester/meir kompetanse i den tverrfaglege gruppa vil andre bli trekt med etter behov og i forståing med den det gjeld og denne sine pårørande.

d)      I enkeltsaker kan ein opprette ansvarsgrupper, der den det gjeld deltek saman med representantar for aktuelle hjelpeinstansar. Dersom det er behov for og ynskje om individuell plan skal denne utarbeidast i denne gruppa. 

e)      2 gonger i året skal den store ressursgruppa KRUS møtast, med representantar frå sosialtenesta, God helse/ KRUS, skulane, barnehagane, helsestasjon, psykisk helse, legene, politi, barnevern, fritidsklubb, rådmann og ordførar for å evaluere det førebyggjande arbeidet for barn og unge. Her legg ein òg opp strategiar ut frå gjeldande problemstillingar i vårt lokalsamfunn. I dette forum drøftast alle saker anonymt.

f)        Tverrfaglig gruppe (sjå pkt a) skal styrast av ein fast koordinator. Koordinator er  kontaktperson for førespurnadar til gruppa. Koordinator kallar inn og følgjer opp at gruppa møtast og fungerer.

Skjemabibliotek

·        Melding til barnevernet

·        Samtykkeerklæringar der ein viser  til ulike lovverk

·        Rapportering av avvik. Om brukar/ pårørande nytter informasjon i denne permen og ikkje opplever å få hjelp – skjema adresserast til rådmann

·        Innsøkingsskjema PPT Aukra og Midsund

·        Henvisningsskjema til barne- og familietjenesten (Molde), skjema her

Referansebibliotek med sentrale rundskriv, brosjyrar og liknande

        Generelt;

·        Regjeringa si satsing på barn og unge 2008

·        Rundskriv-forebyggende innsats barn og unge

Vold og seksuelle overgrep

·        Seksuelle overgrep mot barn – en veileder til hjelpeapperatet

·        Arbeidsrutine – barnevernstenesta – seksuelle overgrep

·        Voldtekt – vanlige reaksjonar

·        Voldtekt , nærmere informasjon

·        Erfaringar fra arbeid med voldsutsatte kvinner og barn med minoritetsbakgrunn

·        Arbeid med voldsutsatte kvinner med minoritetesbakgrunn

·        Midsund kommune prosedyre ved vold i hjem

·        Forebygging av internettrelaterte overgrep mot barn

·        Strategi mot seksuelle og fysiske overgrep mot barn (2005-2009)

·        Hjelperens rolle – i arbeidet med voldsutsatte kvinner og barn

·        Veileder – arbeid mot barn som utsettes for vold

·        Registreringsskjema ved handlingar som innebærer trusler/ vold/ trakassering/ mobbing på arbeidsplassen eller skole/ fritid.

Rusmisbruk;

·        Fakta om rusmidler

·        Innsats ovenfor gravide kvinner med rusproblemer - prosedyrer

Psykisk helse

·        Info.brosjyre – barn og psykisk syke foreldre

·        Veileder psykisk helse barn og unge

·        Hvordan forholde seg til en elev med spiseforstyrrelse – prinsipper og strategier

Link-bibliotek

Hjelpetelefonar;

-          Røde Kors telefonen for barn og unge 800 333 21

-          Mental helse hjelpetelefon                                      810 300 30              www.mentalhelse.no

-          Homofiles ungdomstelefon                                     810 00 277              www.llh.no

-          Voksne for barn – Bekymringstelefon                   810 03     940          e-post bekymring@vfb.no

Hjelpetenester på nettet;

-          Klara Klok (helsepersonell svarar på spørsmål i frå ungdom om helse, forhold/ familie, rusmidlar og seksualitet)                                                                                     www.klara-klok.no

-          Røde Kors;                                                                                                www.korspahalsen.no

-          Si det med ord (Mental Helse)                                                               www.sidetmedord.no

Meir informasjon om ungdom og psykisk helse;

-          Psykisk helse i skolen;                                                                             www.psykiskhelseiskolen.no

-          Sosial og helsedirektoratet;                                                                     www.shdir.no eller www.psykisk.no

-          Statens informasjonsside til ungdom (egne temasider om psykisk helse) www.ung.no

-          SUSS –Senter for Ungdom, Samliv og Seksualitet,                              www.suss.no

-          Rådgivning for spiseforstyrrelser                                                           www.nettros.no